Amerika: Ibikorwa bya ICE muri leta ya Minnesota bigiye gusozwa 'ku busabe bwa Trump'

Tom Homan yavuze ko azaguma muri Minnesota kugira ngo areba uko icyo gikorwa cyo kugabanya abakozi bazwi nka ICE kirangira neza.

Homan yavuze ko Minnesota itakiri “leta y’ubwihisho” [ku b’imukira] nka mbere “kuko abategetsi bahora bakoranye n’abakozi ba leta bashinzwe abinjira n’abasohoka”.

Ibikorwa byo kohereza abapolisi bagera ku 2,000 ba ICE (Immigration and Customs Enforcement) guhiga abadafite ibyangombwa muri Minnesota byatumye haba imyigaragambyo hirya no hino mu gihugu, by’umwihariko nyuma yo kuba abaturage babiri ba Amerika bishwe na ICE.

Homan yavuze ko ibikorwa byiswe “Operation Metro Surge” byatanze umusaruro ndetse bigabanya umubare w’abantu bari mu byiciro byihutirwa byo gukurikirana, bityo ko batangiye kugabanya abakozi ba ICE mur iyi leta.

Abimukira baba muri iyi leta, barimo abakomoka muri Somalia benshi, bamaganye ibikorwa bya ICE muri iyi leta bavuga ko byarimo urugomo no guhohotera abantu. Bagasaba ko aba bapolisi bava muri iyo leta.

Homan yavuze ko hari abakozi bacye ba ICE “bazaguma hafi igihe gito kugira ngo basoze imirimo no gusubiza ubuyobozi bwuzuye”.